Ըմբիշ Վազգեն Թևանյանը հաղթանակով մեկնարկեց աշխարհի առաջնությունում 

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Ազատ ոճի ըմբշամարտի հավաքականի անդամ Վազգեն Թևանյանը հաղթանակով մեկնարկեց աշխարհի առաջնությունում:

«Արմենպրես»-ի հաղորդմամբ` ղազախական Նուր-Սուլթան քաղաքում ընթացող աշխարհի առաջնության մեկնարկում 65 կգ քաշային Վազգեն Թևանյանը 5:3 հաշվով գերազանցեց Ուկրաինայի ներկայացուցիչ Գոռ Հովհաննիսյանին:

Ավելի ուշ իր առաջին գոտեմարտը կանցկացնի Հայաստանի մեկ այլ ներկայացուցիչ` Արսեն Հարությունյանը:

Ըմբշամարտի աշխարհի առաջնությունը վարկանիշային է Տոկիոյի 2020 թվականի 32-րդ ամառային Օլիմպիական խաղերի համար: