Հայաստանում ավարտվել է ՀՌՇ մոտոհրաձգային գումարտակների մարտավարական զորավարժությունը

ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում տեղակայված ռուսաստանյան Հարավային ռազմական շրջանում (ՀՌՇ) ավարտվել է մոտոհրաձգային գումարտակների պատրաստումը, որի շրջանակում անցկացվել է մարտական հրաձգությամբ երկկողմանի վաշտային զորավարժություն՝ հաշվի առնելով նաև Սիրիայում տեղային պատերազմների վարման ժամանակ ստացված փորձը։

Ինչպես «Արմենպրես»-ին տեղեկացրին ՀՌՇ մամուլի ծառայությունից, զորավարժությունն անցկացվել է օգոստոսի 15-ից սեպտեմբերի 15-ը։ Ամեն օր դրան մասնակցել է ավելի քան 500 զինծառայող և ներգրավվել ավելի քան 100 միավոր ռազմական տեխնիկա, այդ թվում՝ օպերատիվ-տակտիկական, բանակային և անօդաչու ավիացիա։