ԵՄ-ն պետք Է սովորի դիմակայել ՉԺՀ-ին, ՌԴ-ին եւ ԱՄՆ-ին. Եվրախորհրդի ապագա ղեկավար

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Եվրամիությունը պետք Է սովորի գործել «վստահ ու վճռական»՝ դիմակայելու համար Չինաստանին, Ռուսաստանին եւ ԱՄՆ-ին: Սեպտեմբերի 5-ի երեկոյան Բրյուսելում Եվրամիության դեսպանների դռնփակ խորհրդաժողովում այդ մասին հայտարարել Է Բելգիայի վարչապետի պաշտոնակատար եւ Եվրախորհրդի նախագահ նշանակված Շառլ Միշելը, որն այդ պաշտոնը կստանձնի դեկտեմբերի 1-ին: Միշելի ճառի տեքստը սեպտեմբերի 6-ին հրապարակել Է Politico թերթի եվրոպական հրատարակությունը, տեղեկացնում Է «Արմենպրես»-ը:

«Եվրամիությունը պետք Է վստահ եւ վճռական գործի, որպեսզի զոհ չգնա ԱՄՆ-ի նախագահ Դոնալդ Թրամփի առեւտրական պատերազմներին, որպեսզի պաշտպանի շահերն ու արժեքներն ավելի ու ավելի վճռական Չինաստանի դեմ եւ որպեսզի դիմակայի Ռուսաստանի կողմից անվտանգության աճող մարտահրավերներին»,- հայտարարել Է նա: Սակայն, իր ճառի ավարտին նա փոքր-ինչ այլ տեսակետ Է հայտնել ԱՄՆ-ի վերաբերյալ՝ հայտարարելով, որ Վաշինգտոնը կմնա «Եվրամիության ամենաուժեղ միջազգային դաշնակիցը»:

Շառլ Միշելը նաեւ հայտարարել Է իր վստահության մասին, որ «Եվրամիությունը պետք Է առաջատար դեր խաղա համաշխարհային ասպարեզում», քանի որ, «եթե Եվրամիությունը չկարողանա դա անել, դա կանեն մյուսները», հաղորդել Է ՏԱՍՍ-ը: