Մեծ Բրիտանիայում ցիստեռնից ջինի արտահոսը տեւական խցանում Է առաջացրել ավտոմայրուղում
1 րոպեի ընթերցում
![Մեծ Բրիտանիայում ցիստեռնից ջինի արտահոսը տեւական խցանում Է առաջացրել ավտոմայրուղում](http://armenpress.am/resized/480/static/news/b/2019/09/987039.jpg)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: 32 հազար լիտր ջին փոխադրող ցիստեռնից արտահոսը բազմաժամյա խցանում Է հարուցել Անգլիայի հյուսիսային մասի M6 ավտոմայրուղում: Այդ մասին, ինչպես տեղեկացնում Է «Արմենպրես»-ը, հաղորդվում Է Չեշիրի կոմսության հրշեջ-փրկարարական ծառայության պաշտոնական կայքում հրապարակված հայտարարության մեջ:
Միջադեպը տեղի Է ունեցել սեպտեմբերի 4-ի երեկոյան ցիստեռնի եւ բեռնատարի բախման հետեւանքով: Ցիստեռնը փոխադրում Էր 32 հազար լիտր ջին: Հրշեջները պարզել են, որ վթարից հետո դրանից դուրս Է հոսել ութ հազար լիտր: Ճանապարհի այդ հատվածում երթեւեկությունը ժամանակավորապես դադարեցվել Է:
Փրկարարական ծառայություններն աշխատել են ամբողջ գիշերվա ընթացքում՝ ջինի բռնկում թույլ չտալու համար: Հրշեջ բրիգադները թափված ալկոհոլը ծածկել են հրշեջ փրփուրով՝ բռնկումը կանխելու համար: Շատ վարորդներ ստիպված են եղել մի քանի ժամ անցկացնել իրենց ավտոմոբիլներում, մինչ փրկարարական ծառայությունները վերացնում Էին վթարի հետեւանքները, հաղորդել Է ՌԻԱ Նովոստի գործակալությունը: