ԵՄ-ում ստեղծել են ահաբեկչության մեղադրանքով հետաքննվող գործերի միասնական բազա
2 րոպեի ընթերցում
![ԵՄ-ում ստեղծել են ահաբեկչության մեղադրանքով հետաքննվող գործերի միասնական բազա](http://armenpress.am/resized/480/static/news/b/2019/09/987026.jpg)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: ԵՄ-ն ահաբեկչության դեմ պայքարի հատուկ գրանցամատյան (CTR) Է ստեղծել՝ դատական ոլորտում մասնակից երկրների փոխգործակցությունն ընդլայնելու համար: Այդ մասին սեպտեմբերի 5-ին հայտնել են «Եվրոյուստ» եվրոպական մասնագիտացված գործակալությունում, տեղեկացնում Է «Արմենպրես»-ը:
«Գրանցամատյանը թույլ Է տալիս կենտրոնացնել հանգուցային դատական տեղեկատվությունը եւ պարզել կապերը ահաբեկչական հանցագործություններ կատարելու մեջ կասկածվողների նկատմամբ հետաքննությունների շրջանակում: Կենտրոնը գտնվում Է «Եվրոյուստ» գործակալության շուրջօրյա ղեկավարման ներքո Հաագայում եւ ակտիվ աջակցություն Է ցուցաբերում ազգային դատական մարմիններին»,-հայտնել են մամուլի ծառայությունում: Համակարգը կօգնի դատախազներին՝ ավելի ակտիվորեն կոորդինացնել հետաքննությունը եւ բացահայտել հետաքննվող տարբեր գործերի կապը «հնարավոր անդրսահմանային հետեւանքների հետ»:
«Ահաբեկչության դեմ պայքարի գրանցամատյանը կարեւոր քայլառաջ Է ահաբեկչության դեմ մղվող պայքարում: Այժմ, երբ ահաբեկիչներն ավելի ու ավելի շատ են գործում անդրսահմանային ցանցերում, ԵՄ-ն պետք Է գործի նույն կերպ: Ապահովելով հետաքննությունների անդրսահմանային կապերի մասին օպերատիվ հետադարձ կապը, մենք կարող ենք ավելի լավ կոորդինացնել եւ արագացնել աշխատանքը»,-հայտարարել Է «Եվրոյուստ»-ի ղեկավար Լադիսլավ Համրանը, հաղորդել Է ՌԻԱ Նովոստին: