Խորհրդարանը ԵՄ-ին թյուրիմացության մեջ Է գցում Brexit-ի հարցում. Մեծ Բրիտանիայի ԱԳՆ

ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի խորհրդարանի օրենսդրական նախաձեռնությունները նպատակամիտված են այն բանին, որ Եվրամիությունում թյուր պատկերացում ստեղծվի Brexit-ի չեղարկման հնարավորության մասին: Սեպտեմբերի 3-ին այս կարծիքն Է հայտնել Մեծ Բրիտանիայի արտաքին գործերի նախարար Դոմինիկ Ռաաբը, տեղեկացնում Է «Արմենպրես»-ը:

Սեպտեմբերի 3-ին Մեծ Բրիտանիայի խորհրդարանի Համայնքների պալատի պատգամավորները պետք Է ներկայացնեն օրսենսդրական նախաձեռնություն, որը կոչված Է թույլ չտալու Եվրամիությունից Միացյալ Թագաորության դուրս գալն առանց Brexit-ի պայմանների վերաբերյալ համաձայնագրի: «Այդ նախաձեռնության Էությունը Եվրամիությունում կասկածներ սերմանելն Է՝ խորհրդարանում ինտրիգների միջոցով ստեղծելով զգացողություն, թե Brexit-ը կարող Է չեղյալ հայտարարվել: Դա թուլացնում Է (Մեծ Բրիտանիայի) վարչապետ (Բորիս Ջոնսոնի) դիրքերը: Ես բոլոր խորհրդարանականներին կոչ եմ անում չքվեարկել այդ օրինագծի օգտին»,- հայտարարել Է նա Sky News հեռուստաալիքի եթերում:

Ռաաբը նաեւ նշել Է, որ կառավարության աշխատանքը նպատակամղված Է այն բանին, որ «խուսափենք» ԵՄ-ից Մեծ Բրիտանիայի դուրս գալու «եւս մեկ ուժասպառիչ եւ ջլատող հետաձգումից»՝ հավելելով, որ Եվրամիությունից երկրի դուրս չգալու յուրաքանչյուր ամիսը 1 միլիարդ ֆունտ ստեռլինգ կնստի հարկատուների վրա, հաղորդել Է ՏԱՍՍ-ը: