ԵՄ-ն վաղաժամկետ 1 մլրդ եվրո գյուղատնտեսական դոտացիա կվճարի Ֆրանսիային երաշտի պատճառով

ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ֆրանսիան Եվրահանձնաժողովից (ԵՀ) 1 միլիարդ եվրո վաղաժամկետ վճարման Է հասել Է ընդհանուր գյուղատնտեսական քաղաքականության ֆինանսավորման շրջանակում իրեն հասանելիք դոտացիաներից: Օգոստոսի 29-ին այդ մասին հայտնել Է Ֆրանսիայի գյուղատնտեսության եւ պարենի նախարար Դիդիե Գիյոմը:

Նա ելույթ Է ունեցել CNEWS նորությունների հեռուստաալիքի եթերում, տեղեկացնում Է «Արմենպրես»-ը: «Ֆրանսիայում երաշտի պատճառով մենք ստացանք գյուղատնտեսության համար 1 միլիարդ եվրոյի չափով դոտացիայի վաղաժամկետ վճարման ԵՀ-ի համաձայնությունը: Վճարումները կիրականացվեն հոկտեմբերի 16-ին»,- ասել Է նախարարը:

Նա ընդգծել Է, որ «միանգամայն ակնհայտ Է, որ Ֆրանսիայում տեղի Է ունենում կլիմայի տաքացում, ընդ որում հետագայում այն սոսկ կսաստկանա»:

Գիյոմը հայտնել Է, որ անցյալ տարվա երաշտի պատճառով պետությունը ֆերմերներին որպես օգնություն վճարել Է 200 միլիոն եվրո՝ նրանց կորուստների փոխհատուցման համար: «Դատելով ըստ ամենայնի՝ այս տարվա երաշտը ավելի սաստիկ Է, եւ վճարումների չափն ավելի մեծ կլինի»,- ասել Է նա, հաղորդել Է ՏԱՍՍ-ը: