Անատոլիայում առաջին սինթետիկ ներկը ուրարտացիներն են օգտագործել. «Անադոլու»

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Ուրարտական արքա Ռուսա Երկրորդի (Ք.ա. մոտ 685-645 թթ.) կողմից Վանա լճի մոտակայքում կառուցված Այանիս ամրոցի տարածքում կատարված հնագիտական աշխատանքների արդյունքում հայտնաբերվել են Անատոլիայում մարդու կողմից օգտագործված ամենահին սինթետիկ ներկի նմուշներ:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:

Ըստ մասնագետների՝ պեղումների արդյունքում հայտնաբերված պատը ներկվել է ուրարտացիների կողմից 2 հազար 700 տարի առաջ:

Ավելի վաղ այդ ներկից հայտնաբերվել էր Եգիպտոսում, և այն ստացել էր «Եգիպտական կապույտ» անվանումը: