Մադրիդում տեղատարափը հեղեղել Է ճանապարհները եւ խախտել մետրոյի աշխատանքը

ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Կարկուտով ուղեկցվող սաստիկ տեղատարափը, որը օգոստոսի 26-ին մոլեգնել Է Մադրիդում եւ նրա արվարձաններում, կաթվածահար Է արել ճանապարհները, խախտել մետրոյի աշխատանքը եւ թիռչքների ուշացման պատճառ դարձել օդանավակայանում:

Այդ մասին, ինչպես տեղեկացնում Է «Արմենպրես»-ը, հայտնել Է Pais հրատարակությունը:

Թերթի տվյալների համաձայն, ամենից շատ տուժել Է Արգանդա դել Ռեյ քաղաքը, որտեղ տեղատարափի պատճառով ողողվել են երեք գլխավոր պողոտաները:

Մադրիդի մետրոյի ծառայությունը երեկոյան հայտնել Է գնացքների աշխատանքի խախտման եւ մետրոյի մի քանի գծերում տեղ գտած ուշացումների մասին, սակայն առավոտյան դեմ գնացքների երթեւեկությունը վերականգնվել Էր գրեթե բոլոր գծերում, բացառությամբ 9-րդ ուղեգծի մի մասի: Ընդհատումներ եւ ուշացումներ են դիտվել նաեւ Մադրիդ-Բարախաս միջազգային օդանավակայանում:

Ըստ թերթի տվյալների՝ արտակարգ ծառայությունները պատասխանել են ավելի քան հազար կանչի: Զոհերի կամ տուժածների մասին տվյալներ չեն ներկայացվում, հաղորդել Է ՌԻԱ Նովոստին: