388.37
Չավուշօղլուն «կեղտոտ խաղ» է անվանել Իսրայելում ընտրություններից առաջ տիրող իրավիճակը
1 րոպեի ընթերցում
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Թուրքիայի արտաքին գործերի նախարար Մևլութ Չավուշօղլուն «Թվիթեր»-ի իր միկրոբլոգում կատարած գրառման մեջ հայտնել է, որ Իսրայելում սեպտեմբերի 17-ին կայանալիք արտահերթ խորհրդարանական ընտրությունների նախաշեմին «նոր կեղտոտ խաղ են խաղում»:
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
«Մենք երբեք չենք հրաժարվելու Պաղեստինի բռնազավթված մայրաքաղաք Արևելյան Երուսաղեմի հարցում մեր պաղեստինցի եղբայրներին աջակցելուց և նրանց շահերը պաշտպանելուց»,- նշել է նախարարը:
Իսրայելի արտաքին գործերի նախարար Իսրայել Կացը ավելի վաղ հայտարարել է, որ հատուկ միջոցառումների փաթեթ է նախապատրաստվում՝ բռնազավթված Արևելյան Երուսաղեմում Թուրքիայի գործունեությունը դադարեցնելու համար:
Բաժանորդագրվեք մեր ալիքին Telegram-ում
