2 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Ղրղզստանի նախկին նախագահ Ալմազբեկ Աթամբաեւի ձերբակալման հատուկ գործողության հետեւանքով տուժածների թիվը հասել Է 48-ի: Այդ մասին, ինչպես տեղեկացնում Է «Արմենպրես»-ը, օգոստոսի 8-ին ՌԻԱ Նովոստիին հայտնել են Ղրղզստանի առողջապահության նախարարությունում:
«Բիշքեկի եւ Չույի մարզի հիվանդանոցներ բժշկական օգնության Է դիմել 48 մարդ»,- հայտարարել են գերատեսչությունում: Տուժած հատուկ ջոկատայիններից մեկը գործողության ժամանակ մահացել Է կրծքավանդակին ստացած հրազենային վերքի պատճառով: Օգոստոսի 7-ի երեկոյան Ղրղզստանի հատուկ ծառայություններն սկսել են մայրաքաղաքից 20 կիլոմետր հեռավորության վրա Քոյ Թաշ գյուղում նախկին նախագահ Ալմազբեկ Աթամաբաեւին նրա նստավայրում ձերբակալելու գործողությունը: Նրանք նախկին ղեկավարի կողմնակիցների դեմ կիրառել են հատուկ միջոցներ: Սակայն նախկին նախագահին ձերբակալել չի հաջողվել: Ղրղզստանի խորհրդարանը հունիսի 20-ին դատախազությանն Է հանձնել նախկին նախագահ Աթամբաեւին վերագրվող մեղադրանքների ցուցակը, որը պատրաստել Է պատգամավորների հատուկ հանձնախումբը: Երկրի նախկին նախագահին մեղադրել են ապօրինի հարստացման, հողամասի զավթման, Բիշքեկի ՋԷԿ-ի արդիականացման ժամանակ կոռուպցիայի եւ քրեական հեղինակություն Ազիզ Բատուկաեւի անօրինական ազատման մեջ: Աթամբաեւն ինքը խորհրդարանականների մեղադրանքները որակել Է «անհեթեթ» եւ հայտարարել, որ մաքուր Է ժողովրդի հանդեպ եւ պատրաստ Է պատասխան տալ նախագահի պաշտոնում իր բոլոր արարքների համար: Ալամզբեկ Աթամբաեւը երկիրը գլխավորել Է 2011-ից մնչեւ 2017 թվականը:
