Շուրջ 250 հեկտար անտառ Է այրվել Ֆրանսիայի հարավում
1 րոպեի ընթերցում
![Շուրջ 250 հեկտար անտառ Է այրվել Ֆրանսիայի հարավում](http://armenpress.am/resized/480/static/news/b/2019/07/983352.jpg)
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Շուրջ 250 հեկտար անտառ Է այրվել եւ առնվազն 170 մարդ Է տարահանվել այն սաստիկ հրդեհի հետեւանքով, որը հուլիսի 30-ին սկսվել Է Ֆրանսիայի Գարի հարավային դեպարտամենտում: Այդ մասին, ինչպես տեղեկացնում Է «Արմենպրես»-ը, հայտնել Է Provence թերթը:
Անցյալ շաբաթ Ֆրանսիայի քաղաքներում ջերմաչափերի սյուները բարձրացել են մինչեւ անսովոր ցուցանիշներ. հուլիսի 25-ին բացարձակ ջերմաստիճանային ռեկորդներ են սահմանվել 50-ից ավելի քաղաքներում: Անոմալ շոգի ալիքից անմիջապես հետո վրա են հասել սաստիկ երաշտը եւ անտառային հրդեհների մեծ հավանականությունը: Ինչպես նշվում Է, հրդեհն սկսվել Է Ժեներակ կոմունայում կեսօրից հետո: Տեղում աշխատում են 300 հրշեջներ, 90 փոխադրամիջոց եւ յոթ հրշեջ ինքնաթիռ, հաղորդել Է ՌԻԱ Նովոստին: