2 րոպեի ընթերցում
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Երևանում ընթացող Եվրոպայի 2019-ի թվաականի մինչև 19 տարեկանների առաջնության կիսաեզրափակչի խաղում Պորտուգալիան մրցեց Իռլանդիայի հետ (4:0):
«Արմենպրես»-ի հաղորդմամբ՝ մեկնարկային րոպեներին թիմերը զգուշավոր խաղ էին ցուցադրում և փորձում էին գտնել միմյանց թույլ և խոցելի օղակները: Գնդակին հիմնականում տիրում էր Պորտուգալիայի ընտրանին: 31-րդ րոպեին Իռլանդիայի հավաքականի ֆուտբոլիստները կոպիտ խաղացին պորտուգալացի ֆուտբոլիստի նկատմամբ և նշանակված 11 մետրանոց հարվածն անվրեպ իրացրեց Վիտոր Ֆերեիրան: Բաց թողած գնդակից հետո Իռլանդիան իր ձեռք վերցրեց խաղի վերահսկողությունը: Սակայն մինչ թիմերը կգնային հանգստի, Պորտուգալիան խփեց նաև երկրորդ գնդակը: Այս անգամ աչքի ընկավ Ռամոսը:
Երկրորդ կեսում Պորտուգալիան գերակա դիրք ուներ և 59-րդ րոպեին խփեց նաև երրորդ գոլը: Դուբլի հեղինակ դարձավ Ռամոսը: Հանդիպման ամբողջ ընթացքում Եվրոպայի գործող չեմպիոն Պորտուգալիան առավելություն ուներ: Իռլանդիային միայն երբեմն-երբեմն էր հաջողվում հակագրոհել, այն էլ ոչ այդքան լուրջ: Իսկ Պորտուգալիայի թիմից Ռամոսն ավելացված րոպեին դարձավ նաև հեթ-տրիկի հեղինակ: Ի վերջո Պորտուգալիան հաղթեց 4:0 հաշվով և դուրս եկավ եզրափակիչ:
Ֆուտբոլի Եվրոպայի մինչև 19 տարեկանների առաջնության եզրափակիչ կկայանա հուլիսի 27-ին Հանրապետական մարզադաշտում: Կիսաեզրափակչի մյուս խաղում Հանրապետական մարզադաշում կմրցեն Ֆրանսիայի և Իսպանիայի ընտրանիները: Հանդիպումը կմեկնակի 21:00-ին: