«Ֆիզիկա» առարկայի դպրոցականների միջազգային օլիմպիադայում հայկական թիմը նվաճել է 5 բրոնզե մեդալ
2 րոպեի ընթերցում
![«Ֆիզիկա» առարկայի դպրոցականների միջազգային օլիմպիադայում հայկական թիմը նվաճել է 5 բրոնզե մեդալ](http://armenpress.am/resized/480/static/news/b/2019/07/981723.jpg)
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: «Ֆիզիկա» առարկայի 50-րդ հոբելյանական միջազգային օլիմպիադայի ժամանակ, որը տեղի է ունեցել Իսրայելի Թել-Ավիվ քաղաքում՝ ՀՀ թիմը նվաճել է 5 բրոնզե մեդալ:
«Արմենպրես»-ի հաղորդմամբ՝ այս մասին տեղեկացնում են ՀՀ կրթության, գիտության, մշակույթի և սպորտի նախարարության տեղեկատվության և հասարակայնության հետ կապերի վարչությունից:
Օլիմպիադային մասնակցել է78 երկրի 384 աշակերտ:
Բրոնզե մեդալների են արժանացել Եվա Հունանյանը, Դավիթ Զոհրաբյանը, Քրիստինե Գրիգորյանը, Հայկ Մուրադյանը և Դավիթ Կիրակոսյանը։ Բոլոր աշակերտները սովորում են Ա․Շահինյանի անվան «Ֆիզմաթ» դպրոցում։ ՀՀ թիմը ղեկավարում էին Ֆիզիկայի հանրապետական օլիմպիադայի հանձնաժողովի նախագահ Գագիկ Գրիգորյանը և անդամԲիլոր Կուրղինյանը։
Ֆիզիկայի 1-ին միջազգային օլիմպիադան անցկացվել է 1967 թվականին։ Բոլոր մրցույթներնանցկացվում են երկու փուլով՝ տեսական և փորձարարական։ Յուրաքանչյուր երկրից մրցույթին կարող է մասնակցել առավելագույնը 5 աշակերտ։ Մասնակիցների աշխատանքները գնահատում էմիջազգային հանձնաժողովը: 2018 թվականի օլիմպիադայում, որն անցկացվել էՊորտուգալիայի մայրաքաղաք Լիսաբոնում, ՀՀ դպրոցականների թիմն արժանացել էր մեկ արծաթե և մեկ բրոնզե մեդալների, ինչպես նաև մեկ գովասանագրի։