368.54
Վարչապետ Փաշինյանը շնորհավորել է Թերեզա Մեյին Միացյալ Թագավորության Ազգային տոնի՝ Թագուհու ծննդյան օրվա առթիվ
1 րոպեի ընթերցում
Ինչպես «Արմենպրես»-ին տեղեկացրին ՀՀ կառավարության տեղեկատվության և հասարակայնության հետ կապերի վարչությունից, վարչապետի շնորհավորանքում, մասնավորապես, ասված է.
«Ջերմորեն շնորհավորում եմ Միացյալ Թագավորության Ազգային տոնի՝ Թագուհու ծննդյան օրվա առթիվ՝ մաղթելով բրիտանացի բարեկամ ժողովրդին խաղաղություն և հետագա առաջընթաց։
Ուրախ եմ արձանագրել, որ սերտ պատմական կապերի վրա խարսխված մեր հարաբերություններն այսօր զարգանում են բարեկամության և փոխադարձ հարգանքի մթնոլորտում: Հայաստանը մեծապես կարևորում է Միացյալ Թագավորության հետ փոխադարձ հետաքրքրություն ներկայացնող բոլոր ոլորտներում փոխգործակցության ընդլայնումը: Վստահորեն կարող եմ ասել, որ առկա են բոլոր անհրաժեշտ նախադրյալները հայ-բրիտանական փոխշահավետ համագործակցությունը որակապես նոր մակարդակի բարձրացնելու և արդյունավետ ծրագրերով համալրելու համար»:
Բաժանորդագրվեք մեր ալիքին Telegram-ում