Brexit-ի նոր հետաձգումը թորիների գոյության սպառնալիք կստեղծի. Բորիս Ջոնսոն

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Նոր ժամկետով Brexit-ի հետաձգումը սպառնալիք կստեղծի Մեծ Բրիտանիայում կառավարող Պահպանողական կուսակցության հետագա գոյության համար, համոզված Է թորիների նոր առաջնորդի եւ երկրի վարչապետի պաշտոնի համար մրցարշավի ֆավորիտ Բորիս Ջոնսոնը:

Այդ մասին, ինչպես հունիսի 5-ին հայտնել Է The Daily Telegraph թերթը, Մեծ Բրիտանիայի արտգործնախարարության նախկին ղեկավարը հայտարարել Է նախօրյակին հարյուրավոր կուսակիցների առջեւ ելույթի ժամանակ՝ փորձելով հասնել թորիների խորհրդարանական խմբակցության չափավոր, եվրոպամետ տրամադրված մասի պաշտպանությանը, տեղեկացնում Է «Արմենպրես»-ը:

«Մեր առջեւ Էկզիստենցիալ ճգնաժամ Է ծառացել, եւ մեզ չեն ների, եթե մենք հոկտեմբերի 31-ին չիրականացնեք Brexit-ը»,- ասել Է Ջոնսոնը՝ հիշեցնելով Եվրամիությունից երկրի դուրս գալու պլանավորված վերջին ժամկետի մասին: «Մենք պետք Է գիտակցենք այն խնդիրների խորությունը, որոնք ծառացած են մեր առջեւ»,- շարունակել Է նա՝ ընդգծելով, որ այս պահին իրական ընտրություն Է առաջացել Brexit-ի իրականացման եւ «այս մեծ կուսակցության պոտենցիալ անհետացման» միջեւ, հաղորդել Է ՏԱՍՍ-ը: