1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի հունիսի 4-ին որոշումներով նշանակվել են ՀՀ էկոնոմիկայի նախարարի տեղակալներ:
Ինչպես հաղորդում է «Արմենպրես»-ը՝ վկայակոչելով էլեկտրոնային կառավարման e-gov.am կայքը, նախարարի տեղակալներ են նշանակվել Արտակ Քամալյանը և Ավագ Ավանեսյանը:
Արտակ Քամալյանը 2018թ. սեպտեմբերից զբաղեցնում էր ՀՀ գյուղատնտեսության նախարարի տեղակալի պաշտոնը, իսկ Ավագ Ավանեսյանը՝ 2018թ. մարտից՝ ՀՀ տնտեսական զարգացման և ներդրումների նախարարի տեղակալի պաշտոնը:
ՀՀ կառավարության կառուցվածքի փոփոխություններով պայմանավորված (օրենքն ուժի մեջ է 2019թ. հունիսի 1-ից)՝ գյուղատնտեսության նախարարություն այլևս չի լինելու, գործառույթները փոխանցվել են Էկոնոմիկայի նախարարությանը, որն իրականացնելու է նաև տնտեսական զարգացման և ներդրումների նախարարության լիազորությունները: