Brexit-ի շուրջ պահպանողականների հետ բանակցությունները ձախողվեցին. Լեյբորիստների առաջնորդ
1 րոպեի ընթերցում
![Brexit-ի շուրջ պահպանողականների հետ բանակցությունները ձախողվեցին. Լեյբորիստների առաջնորդ](http://armenpress.am/resized/480/static/news/b/2019/05/975174.jpg)
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի ընդդիմադիր Լեյբորիստական կուսակցության առաջնորդ Ջերեմի Քորբինը հայտարարել Է Եվրամիությունից երկրի դուրս գալու պայմանների վերաբերյալ գործարքի շուրջ պահպանողականների հետ բանակցությունների ձախողման մասին: Ինչպես տեղեկացնում Է «Արմենպրես»-ը, այդ մասին մայիսի 17-ին հայտնել Է Press Association գործակալությունը:
Լեյբորիստների առաջնորդը Մեծ Բրիտանիայի վարչապետ Թերեզա Մեյին ասել Է, որ Brexit-ի շուրջ միջկուսակցական բանակցությունները «այնքան հեռու գնացին, որքան որ հնարավոր Է», սակայն կողմերն ավելի քան վեց շաբաթ շարունակվող բանակցությունների արդյունքում չկարողացան հաղթահարել ակտուալ քաղաքական տարաձայնությունները, հաղորդել Է ՏԱՍՍ գործակալությունը: