Բնապահպան ակտիվիստները Գերմանիայում մտել են կառուցվող Eugal գազատարի խողովակ

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: "Climate Justice Greifswald" բնապահպանական շարժման մի խումբ ակտիվիստներ մայիսի 16-ի առավոտյան Գերմանիայում մուտք են գործել Eugal գազատարի շինարարության տարածք, հինգ մարդ մտել Է կառուցվող գազամուղի բաց խողովակ, որտեղ Էլ գտնվում Է մինչեւ հիմա: Այդ մասին, ինչպես տեղեկացնում Է «Արմենպրես»-ը, «Ինտերֆաքս»-ին հայտնել Է Նոյբրանդենբուրգ քաղաքի ոստիկանության ներկայացուցիչ Նիկոլ Բուհֆինկը:

«Այս պահին երեք ակտիվիստներ գտնվում են շինարարության տարածքում, իսկ հինգն՝ անմիջականորեն խողովակի մեջ: Խողովակի երկարությունը 1,5 կիլոմետր Է»,- ասել Է Բուհֆինկը:

Ակտիվիստներն առավոտյան տարածել են հայտարարություն, որում հայտնել են, որ պլանավորում են մտնել խողովակ Վրանգելսբուրգ բնակավայրի մերձակայքում՝ «դրա շինարարությունը ձգձգելու եւ ուշադրությունն այն վնասին դարձնելու համար, որ բնական գազի շահագործումը կհասցնի շրջակա միջավայրին»:

Eugal-ը Եվրոպայի միացնող գազատարն Է, որն անցնում Է Գերմանիայի արեւելյան տարածքով մինչեւ Չեխիայի հետ սահմանը, Eugal-ի շինարարությունը պլանավորվում Է ավարտել մինչեւ տարեվերջ: Eugal-ի միջոցով գազը հենց այնտեղ կառուցվող Nord Stream 2 գազատարից խողովակաշարով կանցնի Եվրոպա: