Յունկերը ԵՄ-ի երկրներին հորդորել Է ավելի «հավակնոտ ու նպատակասլաց» գործել
2 րոպեի ընթերցում
![Յունկերը ԵՄ-ի երկրներին հորդորել Է ավելի «հավակնոտ ու նպատակասլաց» գործել](http://armenpress.am/resized/480/static/news/b/2019/05/973975.jpg)
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Եվրահանձնաժողովի ղեկավար Ժան Կլոդ Յունկերը մայիսի 9-ին կայանալիք ոչ պաշտոնական գագաթնաժողովի նախաշեմին, որտեղ քննարկվելու են առաջիկա «հնգամյակի» գերակայությունները, ԵՄ-ի երկրներին հորդորել Է ավելի հավակնոտ գործել, քան երբեւԷ նախկինում, ուժեղացնելով ԵՄ-ի գլոբալ դերը, տեղեկացնում Է «Արմենպրես»-ը:
Հինգշաբթի Ռումինիայում ոչ պաշտոնական բանակցություններ կանցկացվեն 27 երկրների ձեւաչափով, որոնց արդյունքներով ղեկավարները պետք Է համաձայնեցնեն մինչեւ 2024 թվականը ապագա ռազմավարական օրակարգի «սեւագիրը»:
«Երբ ես ստանձնեցի պաշտոնս, ասացի, որ սա մեր վերջին շանսն Է՝ ցույց տալ եվրոպացիներին, որ միությունն աշխատում Է նրանց օգտին: Վերջին հինգ տարում ես անդադար աշխատել եմ՝ կատարելու մեր տված խոստումները: Կարծում եմ, որ առանձին բնագավառներում մենք գերազանցեցինք ակնկալիքները, իսկ մյուսներում, հնարավոր Է, չարդարացրեցինք դրանք: Բայց ես կարծում եմ, որ մենք միշտ Էլ գործել ենք այնտեղ, որտեղ դա ամենից կարեւորն Է»,-հայտարարել Է նա լրագրողներին Բրյուսելում:
Յունկերի խոսքով՝ «այժմ ԵՄ-ն պետք Է առաջ նայի՝ դասեր քաղելով փորձից եւ հենվելով իր հաջողությունների վրա»: «Մենք պետք Է լինենք ավելի հավակնոտ ու նպատակասլաց, քան երբեւԷ նախկինում»,-հայտարարել Է նա, կոչ անելով նաեւ՝ «ուժեղացնել ԵՄ-ի՝ որպես պատասխանատու խաղորդի դերը» համաշխարհային գործերում, հաղորդել Է ՌԻԱ Նովոստին: