Փարիզում ցուցարարները կրկին բախվել են ոստիկանների հետ
1 րոպեի ընթերցում
![Փարիզում ցուցարարները կրկին բախվել են ոստիկանների հետ](http://armenpress.am/resized/480/static/news/b/2019/05/973318.jpg)
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: Ֆրանսիայի մայրաքաղաք Փարիզում մայիսի 1-ին «դեղին բաճկոններ»-ի շարժման մասնակիցները կրկին բախումներ են ունեցել իրավապահ համակարգի ներկայացուցիչների հետ:
Ինչպես հաղորդում է «Արմենպրես»-ը, ցուցարարները ոստիկանների ուղղությամբ սկսել են շշեր ու այլ իրեր նետել, ինչպես նաև հայհոյանքներ հնչեցնել: Ի պատասխան՝ ոստիկանները ցուցարարների նկատմամբ արցունքաբեր գազ են կիրառել:
Այս պահի դրությամբ արդեն ձերբակալվել է 88 մարդ, որոնց մոտ հայտնաբերվել են դանակներ, գազային բալոններ և այլ արգելված իրեր: