1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Շոտլանդիայի Էդինբուրգ քաղաքի բնակչուհին, որը վիճակախաղով 1 մլն ֆունտ ստեռլինգ (1,3 մլն դոլար) Է շահել, հոգնել Է անգործությունից եւ որոշել Է աշխատանքի տեղավորվել: Այդ մասին, ինչպես տեղեկացնում Է «Արմենպրես»-ը, նա գրել Է իր Twitter-օգտահաշվում:
Ջեյն Փարքը խոշոր ջեքփոթը շահել Է 17 տարեկանում, երբ առաջին անգամ վիճակախաղի տոմս Է գնել: Աղջիկն սկսել Է փողերը ծախսել թանկարժեք ավտոմեքենաների, ճանապարհորդությունների, պլաստիկ վիրահատությունների եւ անշարժ գույքի վրա: Չորս տարի անց շոտլանդուհին գանգատվել Է, որ իրեն ձանձրացրել են հայտնի դիզայներների հագուստները եւ թանկարժեք առողջարաններում հանգստանալը:
23-ամյա Փարքը խոստովանել Է, որ իր համար տաղտկալի Է դարձել անգործությունը: «Ես եւ Քլոեն (Փարքի ընկերուհին) այնպես հոգնել ենք ոչինչ չանելուց, որ մտածում ենք աշխատանքի տեղավորվել»,-նշել Է նա:
Me n Chloe r that bored with our life’s n doing nothing all day were considering getting jobs howling man imagine us two behind a bar
— Jane Park (@janeparkx) 27 апреля 2019 г.