Եվրահանձնաժողովի ղեկավարը ԵՄ-ից Լեհաստանի դուրս գալու սպառնալիք չի տեսնում
2 րոպեի ընթերցում
![Եվրահանձնաժողովի ղեկավարը ԵՄ-ից Լեհաստանի դուրս գալու սպառնալիք չի տեսնում](http://armenpress.am/resized/480/static/news/b/2019/04/973054.jpg)
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Եվրահանձնաժողովի (ԵՀ) ղեկավար Ժան Կլոդ Յունկերը չի կարծում, թե Լեհաստանը մոտ ժամանակներս կարող Է որոշել հեռանալ Եվրամիությունից: Այս մասին, ինչպես տեղեկացնում Է «Արմենպրես»-ը, նա հայտարարել Է ապրիլի 29-ին Rzeczpospolita թերթում հրապարակված հարցազրույցում:
Պատասխանելով այն հարցին, թե Եվրախորհրդարանի ընտրություններից հետո կլինի արդյոք Polexit (Brexit-ի համանմանությամբ), Յունկերը պատասխանել Է. «Ոչ»: «Ես միշտ Էլ Լեհաստանն օրինակ եմ համարել Կենտրոնական Եվրոպայի երկրների համար»,- նշել Է նա՝ հիշեցնելով հանրապետության վերջին հարյուրամյակի պատմությունը: «Բայց այստեղ կարեւոր Է ոչ միայն անցյալը: Լեհերը տեսնում են, թե ինչպես Է զարգանում իրենց երկիրը, տեսնում են, որ Լեհաստանը 2004 թվականից 175 միլիարդ եվրոյի չափով օժանդակություն Է ստացել,- նշել Է ԵՀ-ի ղեկավարը:- Նրանք չեն ցանկանում կտրված լինել այս ամենից»:
Դրա հետ մեկտեղ Յունկերը սխալ Է համարում եվրոյի սահմանումը հետաձգելու Լեհաստանի որոշումը, թեեւ հայտնել Է այն փաստի ըմբռնումը, որ լեհերի մեծամասնությունը դեմ Է ընդհանուր եվրոպական արժույթին: «Ըստ երեւույթին, նրանք իրենց ավելի պաշտպանված են զգում զլոտիով, այլ ոչ թե եվրոյով: Ես դա հասկանում եմ, բայց դա սխալ մոտեցում Է»,- ասել Է նա:
Եվրամիությունից Լեհաստանի դուրս գալու թեման հանրապետությունում հայտնվել Է բարենորոգումների եւ որոշման ընդունման գործընթացում իշխանությունների կողմից օրենքի գերակայության հանգուցային նորմաների պահպանման հարցերի շուրջը Եվրահանձնաժողովի հետ երկրի լուրջ տարաձայնությունների ալիքին: Այժմ Polexit-ը դարձել Է նախընտրական արշավի առաջատար թեմաներից մեկը Եվրախորհրդարանի ընտրություններից առաջ: Լեհական ընդդիմությունը Եվրամիությունից երկիրը դուրս բերելու ձգտման մեջ մեղադրում Է Յարոսլավ Կաչինսկու «Օրենք եւ արդարություն» կառավարող կուսակցությանը: Սակայն երկրի գործող ղեկավարությունն ամեն ինչ ժխտում Է՝ հավաստիացնելով, որ մտադիր չԷ բանը հասցնել Polexit-ի, հաղորդել Է ՏԱՍՍ-ը: