Մեյն ակնարկել է, որ պատգամավորները Brexit-ի շուրջ նոր հանրաքվեի շանս կստանան

ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Մեծ Բրիտանիայի վարչապետ Թերեզա Մեյն ակնարկել Է, որ Brexit-ի շուրջ երկրորդ հանրաքվեի կողմնակիցները հնարավորություն կստանան համապատասխան կետ մտցնել ԵՄ-ից երկրի դուրս գալու պայմանների վերաբերյալ օրինագծում, տեղեկացնում Է «Արմենպրես»-ը:

«Երբ մենք համաձայնության հասնենք, մեզ հարկավոր կլինի օրինագիծն անցկացնել Համայնքների պալատով: Իհարկե, օրինագծի առաջխաղացման համեմատ կարող են լինել պատգամավորներ, որոնք կցանկանան պաշտպանել այդ դիրքորոշումը»,-ասել Է Մեյը՝ խորհրդարանի գծով գործընկերների հարցերին պատասխանելու ավանդական նստաշրջանի ընթացքում:

Դրա հետ մեակտեղ վարչապետն ընդգծել Է, որ երկրորդ հանրաքվեի անցկացման գաղափարի նկատմամբ կառավարության վերաբերմունքը չի փոխվել, այսինքն՝ բացասական Է: Եթե Եվրամիությունն ապրիլի 10-ին համաձայնի Brexit-ի ժամկետն ապրիլի 12-ից տեղափոխել ավելի ուշ ժամկետ, ապա Մեյը կշարունակի ընդդիմության հետ պայմանավորվելու հնարավորություն փնտրել Brexit-ի պայմանների վերաբերյալ ԵՄ-ի հետ համաձայնագրի շուրջ, հաղորդել Է ՌԻԱ Նովոստին: