Լոնդոնում տրանսպորտային միջոցների համար ներմուծվել է օդի աղտոտվածության նոր տուրք
1 րոպեի ընթերցում
![Լոնդոնում տրանսպորտային միջոցների համար ներմուծվել է օդի աղտոտվածության նոր տուրք](http://armenpress.am/resized/480/static/news/b/2019/04/970520.jpg)
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Լոնդոնում տրանսպորտային միջոցների համար ներմուծվել է 12.5 ֆունտի չափով ամենօրյա տուրք քաղաքի կենտրոնական հատվածում օդն աղտոտելու համար: «Արմենպրես»-ի հաղորդմամբ այս մասին տեղեկացնում է belta-ն՝ հղում կատարելով CNN-ին: Նոր կարգն ուժի մեջ է մտնում ապրիլի 8-ից:
Լոնդոնը դարձել է աշխարհում առաջին քաղաքը, որտեղ ձևավորվում է չափազանց քիչ արտանետումների տարածք: Նոր տուրք մտցնելու նախաձեռնությունը գալիս է քաղաքապետից, ով բազմիցս ընդգծել է, որ քաղաքի աղտոտված օդը սպառնալիք է բնակչության համար: