Մեծ Բրիտանիայում արտասահմանյան անձնագրեր են տալիս առանց ԵՄ-ի խորհրդանշանների

ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Մեծ Բրիտանիայի Home Office-ը՝ Միացյալ Թագավորության կառավարության դեպարտամենտը, որը պատասխանատու Է ներգաղթի վերահսկողության, երկրում կարգ ու կանոնի եւ անվտանգության համար, քաղաքացիներին նոր անձնագրեր Է տալիս գործողության ժամկետը լրացած անձնագրերի փոխարեն, եւ դրանցում չկան Եվրամիության խորհրդանշանները: Այդ մասին, ինչպես տեղեկացնում Է «Արմենպրես»-ը, հայտնել Է ATOP-ը:

Բրիտանուհի Սյուզան Հինդլ Բերոունը Twitter-ում հրապարակել Է իր նոր անձնագրի լուսանկարը (որը տրվել Է գործողության ժամկետը լրացած հնի փոխարեն): «Այսօր վերցրեցի իմ անձնագիրը: Իմ հին անձնագրի գործողության ժամկետը լրանում Է մի երկու շաբաթից»,- գրել Է նա: Լուսանկարը վկայում Է անձնագրերի շապիկների տարբերությունների մասին:

Պարզություն Է մտցրել Home Office-ի ներկայացուցչի մեկնաբանությունն Independent-ին. մարտի 29-ից գերատեսչությունն իրոք սկսել Է անձնագրերի նոր շապիկների թողարկումն առանց Եվրամիության հիշատակման: Այնուամենայնիվ, որոշ քաղաքացիների կշարունակեն տալ հին շապիկներով անձնագրեր՝ մինչեւ չավատվեն ավելի վաղ տպված փաստաթղթերը:

Ըստ որում Home Office-ում հավաստիացրել են, որ բրիտանական արտասահմանյան անձնագրի երկու տեսակի շապիկներն Էլ՝ թե՛ "European Union" բառերով եւ թե՛ առանց այդ բառերի, միատեսակ վավերական կլինեն երկրի սահմաններից դուրս ճանապարհորդությունների համար, հաղորդել Է ՌԻԱ Նովոստի գործակալությունը: