1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ազատ ոճի ըմբշամարտի Հայաստանի հավաքականի անդամները հաջող են մեկնարկել Եվրոպայի առաջնությունում:
«Արմենպրես»-ի հաղորդմամբ` 65 կգ քաշային ըմբիշ Վազգեն Թևանյանը 1/8 եզրափակիչում 10:0 հաշվով հաղթեց Մեծ Բրիտանիայի ներկայացուցիչ Ջորջ Էնթոնին: Հաջորդիվ հայ ըմբիշը կգոտեմարտի ադրբեջանցի Հաջի Ալիևի հետ:
70 կգ քաշային կարգում աշխարհի և Եվրոպայի չեմպիոն Դավիթ Սաֆարյանը որակավորման փուլում 7։4 հաշվով գերազանցեց մոլդովացի Միխայիլ Սավային։
79 կգ քաշային Գրիգոր Գրիգորյանը պարտվեց առաջին իսկ գոտեմարտում 1:10 հաշվով` զիջելով Ռումինիայի ներկայացուցիչ Օմարասխաբ Նաժմուդինովին։