1 րոպեի ընթերցում
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Վրաստանի Էկոնոմիկայի եւ կայուն զարգացման նախարարությունն աշխատում Է ԱՄՆ-ի հետ ուղիղ ավիահաղորդակցություն հաստատելու վրա եւ հատուկ հետազոտություն Է պատրաստում դրա համար: Այդ մասին, ինչպես տեղեկացնում Է «Արմենպրես»-ը, ապրիլի 4-ին հայտարարել Է Վրաստանի վարչապետ Մամուկա Բախտաձեն կառավարության նիստից առաջ կայացած բրիֆինգում:
«Նշված հետազոտությունը կօգնի մեզ ներգրավելու համապատասխան ընկերությանը, որպեսզի ժամանակին սկսվեն թռիչքները Վրաստանից ԱՄՆ: Ես վստահ եմ, որ ուղիղ ավիաչվերթները կօգնեն մեզ մեծացնելու տնտեսական այն ներուժը, որն առկա Է երկու երկրներում»,- ասել Է Բախտաձեն:
Վրաստանը 2018 թվականին ԱՄՆ Է արտահանել ավելի քան 159 միլիոն դոլար գումարի ապրանքներ: Վաշինգտոնն, իր հերթին, Թբիլիսիին մատկարարել Է 359 մլն դոլարի արտադրանք, հաղորդել Է ՏԱՍՍ-ը: