Բրիտանական ոստիկանությունը պլան Է պատրաստել ի դեպս Brexit-ի պատճառով անկարգությունների

ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Բրիտանական ոստիկանությունը պլան Է պատրաստել, որը 10 հազար ախատակիցների արագ ծավալում Է նախատեսում այն դեպքում, եթե անկարգություններ սկսվեն Brexit-ի շուրջ վեճերի պատճառով: Այդ մասին, ինչպես տեղեկացնում Է «Արմենպրես»-ը, ապրիլի 4-ին հայտնել Է Sky News հեռուստաալիքը: Ոստիկանությունում հայտնել են, որ այդ աշխատակիցները պետք Է պատրաստ լինեն 24 ժամվա ընթացքում Մեծ Բրիտանիայի ցանկացած մասում հակազդելու Brexit-ի պատճառով որեւԷ անկարգության: Ոստիկանությունում նախազգուշացրել են, որ նման ընդգրկուն միջոցները նախատեսված չեն երկար ժամանակի համար:

Նշվում Է, որ մեկ շաբաթվա ընթացքում իրավախախտումները, որոնք այս կամ այն կերպ կապված են Brexit-ի պատճառով բրիտանացիների վեճերի հետ, կրկնապատկվել են: Խոսքը վերաբերում Է այն խախտումներին, որոնք, մասնավորապես, տեղի են ունեցել բողոքի ակցիաների ընթացքում: Բացի այդ, մի խումբ խորհրդարանականներ վերջին կես տարում խնդրել են ուժեղացնել իրենց պահպանությունը՝ կապված Brexit-ի պատճառով ստացվող սպառնալիքների հետ, հաղորդել Է «Ինտերֆաքս»-ը: