Բեռլինում հասարակական տրանսպորտը չի գործում աշխատողների գործադուլի պատճառով. Zeit

ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Բեռլինի քաղաքային տրանսպորտի վարչության աշխատակիցները (BVG) ապրիլի 1-ին Գերմանիայի մայրաքաղաքում 24-ժամյա գործադուլ են անցկացնում: Հասարակական տրանսպորտի երթեւեկությունը կանգ Է առել: Այդ մասին, ինչպես տեղեկացնում Է «Արմենպրես»-ը, հայտնել Է Zeit թերթը:

Նրա տվյալներով՝ տեղական ժամանակով ժամը 03:00-ից (Երեւանի ժամանակով ժամը 05:00) մայրաքաղաքում չի աշխատում մետրոպոլիտենը, չեն երթեւեկում տրամվայները եւ ավտոբուսների մեծ մասը: Ինչպես նշում Է հրատարակությունը, ավելի վաղ նախազգուշական գործադուլի կոչ Էր արել ծառայությունների ոլորտի աշխատողների Verdi գերմանական արհմիությունը: Նա ձգտում Է հասնել BVG-ի աշխատակիցների համար աշխատավարձի բարձրացման եւ աշխատանքի պայմանների բարելավման:

Ընդամենը Բեռլինի քաղաքային տրանսպորտի վարչությունում գործի Է դրված 14 հազար 600 մարդ, հաղորդել Է ՏԱՍՍ-ը: