Իշխանություններն արգելել են «դեղին բաճկոնավորների» ցույցերն Ավինիոնում
1 րոպեի ընթերցում
![Իշխանություններն արգելել են «դեղին բաճկոնավորների» ցույցերն Ավինիոնում](http://armenpress.am/resized/480/static/news/b/2019/03/969380.jpg)
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Ֆրանսիայի հարավի Վոկլյուզ դեպարտամենտի իշխանությունները հայտարարել են մարտի 30-ին Ավինիոնում «դեղին բաճկոնավորների» շարժման ցույցերի անցկացման արգելք սահմանելու մասին: Ինչպես տեղեկացնում Է «Արմենպրես»-ը, այդ մասին Twitter-ում հայտնել Է դեպարտամենտի պրեֆեկտուրան:
«Պրեֆեկտի հրամանի համաձայն՝ շաբաթ օրը քաղաքի կենտրոնում արգելված են բոլոր ցույցերն ու ժողովները»,- նշվում Է հաղորդագրության մեջ: Իրենց կարգադրությունը իշխանությունները բացատրել են այն բախումներով ու անկարգություններով, որոնք հաճախ ուղեկցում են «դեղին բաճկոնավորների» ցույցերն Ավինիոնում: Սոցիալական ցանցերում ավելի վաղ մոտավորապես 2,5 հազար «դեղին բաճկոնավորներ» են ցանկություն հայտնել մասնակցել Ավինիոնի ցույցերին:
Մարտի 23-ին երկրում տարածվել Է «դեղին բաճկոնավորների» բողոքի ակցիաների 19-րդ ալիքը: Ֆրանսիայի ՆԳ նախարարության տվյալներով՝ դրան մասնակցել Է 40,5 հազար մարդ, որոնցից մոտավորապես 5 հազարը՝ Փարիզում: Բորդոյում, Նիսում, Թուլուզում ակցիաներն ուղեկցվել են ոստիկանության հետ ընդհարումներով: Իրավակարգի պահապանները բերման են ենթարկել 233 մարդու, հաղորդել Է ՏԱՍՍ-ը: