Գերմանիայում կարող Է բժշկական արտադրանքի դեֆիցիտ ստեղծվել «կոշտ» Brexit-ի դեպքում

ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Եվրամիությունից առանց համաձայնագրի Մեծ Բրիտանիայի դուրս գալը կարող Է բժշկական արդյունաբերության ապրանքների անբավարարության հանգեցնել Գերմանիայում: Այդ մասին, ինչպես մարտի 28-ին հայտնել Է Handelsbalt թերթը, հայտարարել Է ԳԴՀ-ի առողջապահության նախարար Յենս Շպանը, տեղեկացնում Է «Արմենպրես»-ը:

Ինչպես նշում Է հրատարակությունը, կոշտ Brexit-ի դեպքում կպահանջվի, որ իմպլանտների, կարդիոխթանիչների եւ արյան նմուշների հետազոտման արտադրանքի բազմաթիվ մոդելներ վերալիցենզավորում անցնեն: «Չկանոնակարգված Brexit-ի դեպքում տեղին Է ենթադրել, որ բժշկական նշանակության տասնյակ հազարավոր իրեր չեն կարողանա վաճառվել եւ անհասանելի կլինեն եվրոպական շուկայի համար»,-հրատարակությունը մեջբերում Է նախարարի խոսքը:

Մարտի 27-ին բրիտանացի խորհրդարանականները չեն ընդունել Brexit-ի շուրջ ԵՄ-ի հետ գործարքի բոլոր ութ այլընտրանքները, ինչը կոշտ Brexit-ի տարբերակն ավելի ու ավելի հավանական Է դարձնում: Ավելի վաղ Բրյուսելում Եվրամիության ղեկավարների գագաթնաժողովում ԳԴՀ-ի կանցլեր Անգելա Մերկելը հերթական անգամ ընդգծել Է, որ Գերմանիան վատագույն սցենարին Է պատրաստվում՝ իկատի առնելով կոշտ Brexit-ը, հաղորդել Է ՏԱՍՍ-գործակալությունը: