Յունկերը Brexit-ի նկատմամբ Մեծ Բրիտանիայի դիրքորոշումը համեմատել Է Սֆինքսի առեղծվածի հետ
3 րոպեի ընթերցում
![Յունկերը Brexit-ի նկատմամբ Մեծ Բրիտանիայի դիրքորոշումը համեմատել Է Սֆինքսի առեղծվածի հետ](http://armenpress.am/resized/480/static/news/b/2019/03/969132.jpg)
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Սֆինքսի առեղծվածը բաց գիրք Է Եվրամիությունից դուրս գալու Մեծ Բրիտանիայի դիրքորոշման համեմատությամբ: Այդ մասին, ինչպես տեղեկացնում Է «Արմենպրես»-ը, մարտի 27-ին հայտարարել Է Եվրահանձնաժողովի ղեկավար Ժան-Կլոդ Յունկերը՝ Ստրասբուրգում ելույթ ունենալով Եվրախորհրդարանի նստաշրջանում: Նրա ելույթը հեռարձակել Է ԵԽ-ի մամուլի ծառայությունը:
Պատգամավորներին հաշվետվություն ներկայացնելով ԵՄ-ի մարտի 21-22-ի գագաթնաժողովի արդյունքների վերաբերյալ, որտեղ հանրակցության պետությունների ղեկավարները Լոնդոնին թույլատրեցին հետաձգել Brexit-ը, նա հայտարարել Է. «Եթե ես Մեծ Բրիտանիան համեմատեմ Սֆինքսի հետ, ապա Սֆինքսի առեղծվածը բաց գիրք կթվա: Տեսնենք՝ ինչ կասի այդ Սֆինքսը հաջորդ շաբաթ»:
ԵՄ-ի գագաթնաժողովը որոշել Է Brexit-ը հետաձգել մինչեւ մայիսի 22-ը, պայմանով, որ Մեծ Բրիտանիայի խորհրդարանը մինչեւ ապրիլի 12-ը հավանություն կտա կանոնակարգված դուրս գալու վերաբերյալ Բրյուսելի հետ կնքված համաձայնագրին: Եթե դա տեղի չունենա, ապա մինչեւ ապրիլի 12-ը Լոնդոնը պետք Է ձեւակերպի իր դիրքորոշումը ԵՄ-ից դուրս գալու վերաբերյալ. կա՛մ Միացյալ Թագավորությունը դուրս Է գալիս առանց համաձայնագրի, կա՛մ երկարատեւ հետաձգում Է խնդրում ճգնաժամի կարգավորման նոր ուղիներ գտնելու համար՝ մասնակցելով Եվրախորհրդարանի մայիսի 23-26-ի ընտրություններին, կա՛մ նախապատրաստվում Է Brexit-ի շուրջ երկրորդ հանրաքվեն անցկացնելուն:
Ինչպես արդեն տեղեկացվել Է, Մեծ Բրիտանիայի խորհրդարանի պատգամավորներն ընդհանուր առմամբ 16 այլընտրանք են առաջարկել Brexit-ի պայմանների վերաբերյալ Եվրամիության հետ համաձայնագրի՝ այդպես Էլ իրենց հավանությանը չարժանացած նախագծի համար: Մարտի 27-ին օրենսդիրները պետք Է մի շարք քվեարկություններ անցկացնեն այն առաջարկությունների շուրջը, որոնք կընտրի Համայնքների պալատի խոսնակ Ջոն Բերքոուն:
Բերքոուին հանձնված տարբերակների թվում են՝ Brexit-ի շուրջը երկրորդ հանրաքվեի անցկացումը, Եվրամիության կազմից երկրի դուրս գալուց հրաժարումը, Միացյալ Թագավորության անդամակցումը Եվրոպայի ազատ առեւտրի ասոցիացիային, ինչպես նաեւ Brexit-ը, որը ենթադրում Է Մեծ Բրիտանիայի սերտ համագործակցությունը ԵՄ-ի հետ: Քվեարկությունները պարտադիր ուժ չեն ունենա կառավարության համար, որը Brexit-ի գործընթացի նկատմամբ վերահսկողությունը խլելու խորհրդարանի փորձը «վտանգավոր նախադեպ» Է որակել, սակայն կուժեղացնեն ճնշումը Թերեզա Մեյի կաբինետի վրա, հաղորդել Է ՏԱՍՍ-ը: