«Թեյթ Մոդեռն» պատկերասրահը դարձել Է Բրիտանիայի առավել մեծ ժողովրդականություն վայելող տեսարժան վայրը

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ժամանակակից արվեստի «Թեյթ Մոդեռն» պատկերասրահը դարձել Է Լոնդոնի առավել մեծ ժողովրդականություն վայելող տեսարժան վայրը՝ առաջին անգամ առաջ անցնելով Բրիտանական թանգարանից, տեղեկացնում Է «Արմենպրես»-ը՝ հղում անլեով BBC-ին: Անցյալ տարի «Թեյթ Մոդեռն» Է այցելել 5,9 մլն մարդ, իսկ Բրիտանական թանգարան՝ 5,8 միլիոն: Այդ մասին վկայում Է Alva բրիտանական ընկերակցության թարմացված վիճակագրությունը, որի մեջ մտնում են զբոսաշրջության զարգացման, պատմական ժառանգության պահպանման, խոշորագույն թանգարանների եւ այլ տարածաշրջանային գերատեսչությունների ներկայացուցիչներ:

Վիճակագրությունից հետեւում Է, որ Լիվերպուլի «Համաշխարհային թանգարանի» հաճախելիությունն աճել Է 111 տոկոսով: Դրա շնորհիվ լիվերպուլյան թանգարանն անցյալ տարի առավել մեծ ժողովրդականություն վայելող մշակույթի օջախն Է դարձել Լոնդոնի սահմաններից դուրս:

Այստեղ այցելել Է 1,4 մլն մարդ: Ընդհանուր վարկանիշում թանգարանն զբաղեցրել Է 23-րդ տեղը՝ առաջ անցնելով «Թեյթ-Բրիտանիա» պատկերասրահից եւ Լոնդոնի կենդանաբանական այգուց: Բիրմինգհեմյան թանգարանն անցյալ տարի ընդունել Է 832 հազար այցելուների՝ 38 տոկոսով ավելի, քան 2017 թվականին: Մինչեւ տարեվերջ շուրջ 431 հազար մարդ Է հասցրել այցելել սեպտեմբերին Դանդիում բացված Վիկտորիայի եւ Ալբերտի թանգարանի մասնաճյուղ: «Թեյթ Մոդեռն»-ը, որտեղ անցյալ տարի կազմակերպվել Էին Պիկասոյի եւ Մոդիլիանիի շատ մեծ ժողովրդականություն վայելող ցուցահանդեսները, առաջին տեղն առաջին անգամ Է զբաղեցրել 2000 թվականին իր բացվելու ժամանակից ի վեր: