Մեծ Բրիտանիայի կառավարությունը մերժումով պատասխանեց Brexit-ի չեղարկման հանրագրին
2 րոպեի ընթերցում
![Մեծ Բրիտանիայի կառավարությունը մերժումով պատասխանեց Brexit-ի չեղարկման հանրագրին](http://armenpress.am/resized/480/static/news/b/2019/03/969082.jpg)
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Մեծ Բրիտանիայի կառավարությունը մտադիր չԷ խնդրել Եվրամիությանը` չեղարկելու ԵՄ-ի կազմից երկրի դուրս գալու ընթացակարգերը եւ կշարունակի աշխատել Brexit-ի իրականացման ուղղությամբ: Կառավարության հայտարարությունը, որը մարտի 26-ի երեկոյան հայտնվել Է երկրի խորհրդարանի կայքում, դարձել Է Brexit-ի չեղարկման հանրագրի պատասխանը, որը պաշտպանել են Միացյալ Թագավորության գրեթե 5,8 մլն բնակիչներ, տեղեկացնում Է «Արմենպրես»-ը:
«Կառավարությունը հետ չի կանչի (Եվրամիության մասին Լիսաբոնի պայմանագրի) 50-րդ հոդվածը: Մենք հարգելու ենք 2016 թվականի հանրաքվեի արդյունքները եւ խորհրդարանի հետ միասին աշխատելու ենք այն գործարքի հաստատման համար, որը կապահովի մեր երկրի դուրս գալը Եվրամիությունից,- ասված Է Brexit-ի հարցերով նախարարության պատրաստած հայտարարության մեջ:- Կառավարությունն ընդունում Է, որ հանրագիրը հասարակակն աջակցություն Է ստացել: Դրա հետ մեկտեղ ձայնի իրավունք ունեցող բրիտանացիների գրեթե երեք քառորդն Է մասնակցել 2016 թվականի հանրաքվեին՝ ակնկալելով, որ դրա արդյունքները կհարգվեն»:
Հայտարարության մեջ ընդգծվում Է, որ պահպանողական կառավարությունը չի խախտելու այն խոստումները, որոնք տվել Է բրիտանական ժողովրդին: Վարչապետ Թերեզա Մեյի կաբինետում գտնում են, որ հրաժարվելով Brexit-ի իրագործումից, կառավարությունը կխախտի իր նկատմամբ երկրի բնակիչների վստահությունը, ինչպես նաեւ ուժգին հարված կհասցնի բրիտանական ժողովրդավարության հիմքերին, հաղորդել Է ՏԱՍՍ գործակալությունը: