368.54
«Ազատ հայրենիք» կուսակցությունն իր դիրքորոշումը կարտահայտի համագումարով. Արայիկ Հարությունյանն՝ Արցախում նախագահական ընտրությունների մասին
1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Արցախի «Ազատ հայրենիք» կուսակցությունը 2020 թվականին կայանալիք նախագահական ընտրություններում իր դիրքորոշումն արտահայտելու է համագումարով: Հայաստանի պետական տնտեսագիտական համալսարանում «Արմենպրես»-ի «պատրաստվո՞ւմ եք առաջադրվել առաջիկա նախագահական ընտրություններին» հարցին ի պատասխան այս մասին ասաց կուսակցության ղեկավար, Արցախի նախկին վարչապետ Արայիկ Հարությունյանը:
Նրա խոսքով՝ համագումարը նախնական տվյալներով կայանալու է սեպտեմբեր-հոկտեմբեր ամիսներին: «Ես իրավունք չունեմ ասելու այո կամ ոչ: Համագումարը պիտի որոշի: Ասեմ այո, բայց վաղը համագումարը այդ լիազորությունը չտա և թեկնածու առաջարկի ուրիշին, ճի՞շտ կլինի։ Կամ եթե ասեմ ոչ, բայց վաղը հակառակը լինի»,-ասաց նա
Արայիկ Հարությունյանը վստահեցրեց, որ «Ազատ հայրենիք» կուսակցությունը, որն ինքն է ղեկավարում և որն Արցախի առաջատար քաղաքական ուժն է, միանշանակ հայտարարել է, որ մասնակցելու է նախագահական ընտրությունների:
Բաժանորդագրվեք մեր ալիքին Telegram-ում