387.85
ԱԺ ֆինանսավարկային և բյուջետային հարցերի հանձնաժողովի փոխնախագահ ընտրվեց Արտակ Մանուկյանը
1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: ՀՀ ազգային ժողովի ֆինանսավարկային և բյուջետային հարցերի մշտական հանձնաժողովը նախագահի տեղակալ ընտրեց «Իմ քայլը» խմբակցության պատգամավոր Արտակ Մանուկյանին: «Արմենպրես»-ի հաղորդմամբ` Մանուկյանն ընտրվեց հանձնաժողովի առաջին նիստում:
«Արտակ Մանուկյանը խորհրդարանական աշխատանքի փորձ ունի տարբեր ձևաչափերով: Նա փորձ ունի նաև միջազգային հարթակներում»,-ասաց հանձնաժողովի նախագահ, «Լուսավոր Հայաստան» խմբակցության պատգամավոր Մանե Թանդիլյանը:
Նա նշեց` այս առումով ուրախ է աշխատել նման մասնագետի հետ:
Մանուկյանը քվեարկությամբ ընտրվեց միաձայն:
Ազգային ժողովի ֆինանսավարկային և բյուջետային հարցերի մշտական հանձնաժողովը կազմված է տասը անդամից:
Բաժանորդագրվեք մեր ալիքին Telegram-ում