Փոխվարչապետ Մհեր Գրիգորյանը մասնակցել է «Գլոբալիզացիայի դարաշրջանում թվային օրակարգը 2.0» համաժողովին

ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ղազախստանի Հանրապետությունում աշխատանքային այցով գտնվող ՀՀ փոխվարչապետ Մհեր Գրիգորյանն Ալմաթիում մասնակցել է «Գլոբալիզացիայի դարաշրջանում թվային օրակարգը 2.0» համաժողովի լիագումար նիստին: Ինչպես «Արմենպրես»-ին տեղեկացրին փոխվարչապետ Մհեր Գրիգորյանի գրասենյակից, եվրասիական նորարական էկոհամակարգին նվիրված համաժողովին մասնակցել են ԵԱՏՄ մյուս անդամ պետությունների վարչապետները, Եվրասիական տնտեսական հանձնաժողովի կոլեգիայի նախագահը և ՏՏ ոլորտի միջազգային փորձագետներ:

Լիագումար նիստին փոխվարչապետ Մհեր Գրիգորյանը հանդես է եկել ելույթով և ՀՀ կառավարության անունից շնորհակալություն հայտնել ղազախական կողմին միջոցառումը բարձր մակարդակով կազմակերպելու համար: Փոխվարչապետի համոզմամբ՝ այս համաժողովը կարևոր հարթակ է, որը հնարավորություն է տալիս համատեղելու ԵԱՏՄ երկրների ջանքերը՝ ուղղված տնտեսությունների թվայնացմանը և դրանով իսկ դրանց մրցունակության բարձրացմանը: Մհեր Գրիգորյանը շեշտել է, որ ՀՀ կառավարությունը մեծ նշանակություն է տալիս թվայնացման ոլորտին և ընդգծել, որ վերջին տարիներին Հայաստանում զգալի առաջընթաց է գրանցվել տեղեկատվական և բարձր տեխնոլոգիաների զարգացման ոլորտում:

Իր ելույթում փոխվարչապետը նաև անդրադարձել է առաջիկայում Երևանում մեկնարկող Ինժեներական քաղաքի կառուցմանը, որը կնպաստի նորարարական գաղափարների մշակմանն ու դրանց ներդրմանը ոչ միայն տեղական շուկայում, այլև Հայաստանի սահմաններից դուրս:

Փոխվարչապետը նշել է, որ Հայաստանն արդեն իսկ ունի բավականին լավ մշակված ծրագրեր թվայնացման ուղղությամբ, մասնավորապես, հարկային, մաքսային ոլորտներում, ինչը կարող է հիմք հանդիսանալ թվայնացման հետագա զարգացման և այդ ոլորտում ԵԱՏՄ երկրների հետ փորձի փոխանակման համար: ՏՏ ոլորտում կրթությանն անդրադառնալիս Մհեր Գրիգորյանը կարևորել է «Թումո» ստեղծարար տեխնոլոգիաների կենտրոնի գործունեությունը, որն արդեն հայկական բրենդ է դարձել ամբողջ աշխարհում: Փոխվարչապետը համաժողովի մասնակիցներին որպես հաջողված փորձ ներկայացրել է նաև Հայաստանում իրականացվող «Արմաթ» ինժեներական լաբորատորիաների հիմնման ծրագիրը, որը հնարավորություն է տալիս աշակերտներին ուսումնասիրել ռոբոտաշինությունը:

Փոխվարչապետ Մհեր Գրիգորյանը Հայաստանի կառավարության անունից հրավիրել է համաժողովի հյուրերին և ՏՏ ոլորտի ներկայացուցիչներին մասնակցելու Տեղեկատվական տեխնոլոգիաների համաշխարհային կոնգրեսին, որը տեղի է ունենալու Երևանում այս տարվա հոկտեմբերի 6-9-ը: Միջոցառմանը մասնակցելու են ՏՏ ոլորտում համաշխարհային ճանաչում ունեցող կազմակերպություններ:

Հայ-հնդկական համագործակցությունը հասցվել է նոր հանգրվանի բոլոր հնարավոր ուղղություններով․ Երևանում նշվեց Հնդկաստանի Հանրապետության օրը

Հայաստանի փոխվարչապետն ու Բելգիայի դեսպանը մտքեր են փոխանակել տարածաշրջանային զարգացումների շուրջ

Մհեր Գրիգորյանի գլխավորած պատվիրակությունը մեկնել է Սանկտ Պետերբուրգ՝ մասնակցելու ԵԱՏՄ բարձրագույն խորհրդի նիստին

ՀՀ վարչապետի գլխավորությամբ քննարկվել է թվայնացման ոլորտում կատարված աշխատանքը և հետագա աշխատանքային պլանը

Հայ-ռուսական երկոսությունը հումանիտար ուղղությամբ զարգանում է հաջողությամբ. Մհեր Գրիգորյան

Մհեր Գրիգորյանը կարևորել է ՀՀ և ՌԴ միջև նավիգացիոն կապարակնիքների կիրառմամբ պիլոտային նախագծի հաջողությամբ գործարկումը

ՀՀ փոխվարչապետը գոհ է հայ-ռուսական առևտրատնտեսական հարաբերությունների աճի արդյունքներից

Մհեր Գրիգորյանի գլխավորած պատվիրակությունը Մոսկվայում կմասնակցի ՀՀ-ՌԴ տնտեսական համագործակցության միջկառավարական հանձնաժողովի նիստին

Փոխվարչապետը «Խաղաղության խաչմերուկ» նախագիծը գերկարևոր է համարում էներգետիկ ռիսկերը չեզոքացնելու տեսանկյունից

Կարծում եմ, որ մոտ ժամանակներում Հայաստանի և Ադրբեջանի սահմանազատման հանձնաժողովների հանդիպում կլինի. Մհեր Գրիգորյան

Ադրբեջանից դեռ պաշտոնական արձագանք չկա ապաշրջափակման հարցով Հայաստանի առաջարկներին. փոխվարչապետ