ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Դեռևս հայտնի չէ՝ շախմատը կշարունակի՞ դասավանդվել դպրոցում, թե ոչ: Այդ մասին կառավարության նիստից հետո լրագրողների հետ զրույցում նշեց ՀՀ Կրթության և գիտության նախարար Արայիկ Հարությունյանը:
«Բոլոր առարկաների շուրջ կծավալվեն քննարկումներ, ծնողների կողմից կան բողոքներ: Այդ առարկաների մեջ է նաև շախմատը: Բոլոր առարկաների ծրագրերը փոխվելու են», - «Արմենպրես»-ի փոխանցմամբ, ասաց նա:
Հարցին, թե հնարավո՞ր է, որ շախմատը հանվի դպրոցական առարկաների ցանկից մասնագետների բացակայության պատճառով՝ նախարարն ասաց. «Ես նման բան չասացի»:
Խոսելով ուսուցիչների որակի մասին՝ նախարարը նշեց, որ կստեղծվեն մեխանիզմներ, և ժամանակի ընթացքում պրոֆեսիոնալները կմնան դպրոցում: