1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի Կոնգրեսի Ներկայացուցիչների պալատն ընդունել Է օրինագիծ, որի համաձայն՝ պետության ղեկավար Դոնալդ Թրամփը չի կարողանա երկիրը դուրս բերել ՆԱՏՕ-ից: Այս մասին, ինչպես տեղեկացնում Է «Արմենպրես»-ը, ասված Է Կոնգրեսի կայքում:
Փաստաթղթի հեղինակ դեմոկրատ Ջիմ Փանետայի հայտարարության մեջ նշվում Է, որ օրինագիծն արգելում Է «դաշինքից դուրս գալու նախագահի բոլոր փորձերը եւ դրա համար բյուջետային միջոցների օգտագործումը»: Բացի դրանից, փաստաթուղթը հավանություն Է տալիս պաշտպանության համար համախառն ներքին արդյունքի առնվազն 2 տոկոսը ծախսելու ՆԱՏՕ-ի անդամ երկրների ձգտմանը: Հունվարի կեսերին հաղորդվել Էր, որ Թրամփը մասնավոր զրույցներում մի քանի անգամ ցանկություն Է հայտնել դուրս գալ կազմակերպությունից: Ինչպես գրել Է The New York Times-ը, այդ որոշումը հավասարազոր կլիներ Հյուսիսատլանտյան դաշինքի կազմալուծմանը: