Արթուր Ալեքսանյանը հիշել է երկրաշարժի զոհերին 

ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Օլիմպիական խաղերի, աշխարհի, Եվրոպայի չեմպիոն Արթուր Ալեքսանյանը հիշել է 1988 թվականի երկրաշարժի զոհերին:

«Արմենպրես»-ի հաղորդմամբ գյումրեցի մարզիկը, ով այս օրերին ԱՄՆ բուժման կուրս է անցնում, սոցցանցի իր էջում երկրաշարժի լուսանկարներ է տեղադրել և գրել, որ այսօր դեկտեմբերի 7-ն է:

Посмотреть эту публикацию в Instagram

07.12.1988 Gyumri...

Публикация от Artur Aleksanyan Official (@arturaleksanyan_) 6 Дек 2018 в 7:15 PST

1988 թվականի դեկտեմբերի 7-ին Հայաստանում տեղի է ունեցել ավելի քանի 9 բալ հզորությամբ ավերիչ երկրաշարժ: Այն ընդգրկել է հանրապետության տարածքի մեկ երրորդը: Ավերվել էին Գյումրին (այն ժամանակ՝ Լենինական), Սպիտակը, Վանաձորը (այն ժամանակ՝ Կիրովական), Ստեփանավանը և հարյուրավոր գյուղեր ու ավաններ: Պաշտոնական տվյալներով՝ զոհվել էր 25 հազար մարդ և անօթևան մնացել 530 հազարը: Աղետի լուրը Հայաստանի վրա բևեռեց համայն մարդկության ուշադրությունը: