1 րոպեի ընթերցում
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Իսրայելի արտաքին գործերի նախարարության խոսնակ Ամնոն Նահաշոնը հայտարարել է, որ իր երկիրը Թուրքիայում նոր դեսպան չի նշանակելու: Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:
ԱԳՆ խոսնակի փոխանցմամբ՝ Իսրայելը նաև նոր հյուպատոս չի նշանակի Ստամբուլում:
Գազայի հատվածում 2018թ. մայիսին իսրայելա-պաղեստինյան արյունալի բախումներ են տեղի ունեցել, որի ընթացքում երկկողմ զոհերի թիվը հասել է 59-ի:Բախումների պատճառը ԱՄՆ դեսպանատան Թել Ավիվից Երուսաղեմ տեղափոխումն էր: Բախումներից հետո թուրքական իշխանությունների կողմից Իսրայելին ուղղված սուր քննադատություններից և այն ահաբեկչական պետություն անվանելուց հետո Իսրայելի դեսպանը հետ էր կանչվել: