Երիտասարդ հունահռոմեական ոճի ըմբիշները կմասնակցեն աշխարհի առաջնությանը 

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Հունահռոմեական ոճի ըմբշամարտի երիտասարդական թիմի կազմը հայտնի է:

«Արմենպրես»-ի հաղորդմամբ` աշխարհի առաջնությունում երիտասարդ ըմբիշներից մեդալների համար կպայքարեն Նորայր Հախոյանը (55 կգ), Արմեն Մելիքյանը (60 կգ), Արմեն Հակոբյանը (72 կգ), Սերյոժա Բեռնեցյանը (77 կգ), Գեղամ Թորգոմյանը (82 կգ) և ծանրքաշային Էդգար Խաչատրյանը: Ըմբիշների մրցումները կմեկնարկեն նոյեմբերի 12-ին:

Աշխարհի առաջնությունն անցկացվում է Ռումինիայի մայրաքաղաք Բուխարեստում: