Հայաստանում Էներգետիկ համակարգի շուկայի ազատականացման գործընթացը կավարտվի երկու տարվա ընթացքում
1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Հայաստանի էներգետիկ ենթակառուցվածքների և բնական պաշարների նախարարությունը շարունակում է էներգետիկ ոլորտում շուկայի ազատականացման միտված աշխատանքները: Լրագրողների հետ զրույցում այս մասին ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:
«Այս պահին մենք ունենք բավականին լավ իրավական և օրենսդրական դաշտ: Երկու տարվա ընթացքում կավարտենք շուկայի ազատականացման գործընթացը, և ես շատ կարևորում եմ այդ ծրագիրը»,- «Արմենպրես»-ի փոխանցմամբ` ասաց նախարարը:
Արթուր Գրիգորյանը հավելեց, որ զարգացած երկրներում էներգետիկ համակարգի շուկայի ազատականացումը բավականին լուրջ առաջընթաց է ապահովել: