1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Միջազգային հնագիտական արշավախմբի աշխատակիցները Չինաստանի արեւելքում հայտնաբերել են քարացածություններ՝ տարբեր տեսակի դինոզավրների հետքերով, որոնք ապրել են 120 միլիոն տարի առաջ: Այդ մասին, ինչպես տեղեկացնում Է «Արմենպրես»-ը, հայտնել Է Սինհուա գործակալությունը:
Միջազգային խումբը՝ չինացի, ավստրալացի եւ ամերիկացի հնագետների կազմով, Շանդունի նահանգի տարածքում հայտնաբերել Է ավելի քան 300 հետք, որոնք, ենթադրաբար, մի խումբ դինոզավրներ թողել են կավճային դարաշրջանում՝ շուրջ 120 միլիոն տարի առաջ:
Գտածոյի մասին հետազոտության հեղինակի խոսքով՝ դատելով ըստ հայտնաբերված հետքերի, դրանք պատկանել են յոթ տարբեր տեսակի դինոզավրների:
«Դինոզավրների հետքերի հայտնաբերումը շոկ Էր, քանի որ ավելի վաղ այդ շրջանում դինոզավրների ոչ մի կարգի մնացորդներ չեն գտնվել»,- նշել Է Շանդունի նահանգի Լինյի քաղաքի համալսարանի Երկրաբանության եւ հնԷաբանության ինստիտուտի ղեկավար Վան Սյաոլին, հաղորդել Է ՌԻԱ նովոստին: