ԱԺ-ում մեկնարկել է Սահմանադրական դատարանի անդամի ընտրության քվեարկությունը
1 րոպեի ընթերցում
![ԱԺ-ում մեկնարկել է Սահմանադրական դատարանի անդամի ընտրության քվեարկությունը](http://armenpress.am/resized/480/static/news/b/2018/05/932365.jpg)
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Ազգային ժողովում մեկնարկել է Սահմանադրական դատարանի անդամի ընտրության քվեարկությունը: Ինչպես հաղորդում է «Արմենպրես»-ը, ՍԴ անդամի ընտրությունն անցկացվում է փակ գաղտնի քվեարկությամբ:
Քվեարկությունը կշարունակվի մինչև ժամը 11:30-ը, որից հետո Ազգային ժողովի հաշվիչ հանձնախումբը կիրականացնի ձայների հաշվարկ և կհրապարակի արդյունքները:
Խորհրդարանական «Ծառուկյան» և «Ելք» խմբակցությունները հայտարարել են, որ քվեարկությանը չեն մասնակցելու: Սահմանադրական դատարանի անդամը ընտրվում է Ազգային ժողովի պատգամավորների ընդհանուր թվի ձայների առնվազն երեք հինգերորդով (63 ձայն):
Սահմանադրական դատարանի անդամի պաշտոնում ՀՀ նախագահն առաջադրել է Էմիլ Բաբայանի թեկնածությունը: