Իրանն ապրիլին նավթի արտահանման ռեկորդ Է սահմանել ԳՀՀԾ-ի իրագործման սկսվելուց ի վեր. Shana
3 րոպեի ընթերցում
![Իրանն ապրիլին նավթի արտահանման ռեկորդ Է սահմանել ԳՀՀԾ-ի իրագործման սկսվելուց ի վեր. Shana](http://armenpress.am/resized/480/static/news/b/2018/05/932077.jpg)
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Իրանի կողմից նավթի արտահանումը ապրիլին կազմել Է օրական 2,62 մլն բարել, ինչը ռեկորդ Է դարձել 2016 թվականի հունվարին իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) իրագործման սկսվելուց ի վեր: Այդ մասին, ինչպես տեղեկացնում Է «Արմենպրես»-ը, հայտնել Է Shana գործակալությունը:
Նրա տվյալներով՝ Իրանի ազգային նավթընկերությունը ապրիլին միջին հաշվով օրական 2,88 մլն բարել նավթ ու գազախտուցք Է արտահանել եվրոպական ու ասիական շուկաներ: Իրանական նավթամթերքի 60 տոկոսը վաճառվել Է Չինաստանին, Հնդկաստանին, Հարավային Կորեային եւ Ճապոնիային: Միայն Չինաստանն ու Հնդկաստանը օրական ներմուծել են մոտավորապես 1,4 մլն բարել նավթ:
Արտահանման աճը, ինչպես նշում Է գործակալությունը, կապված Է գործարքից հնարավոր դուրս գալու վերաբերյալ ԱՄՆ-ի նախագահ Դոնալդ Թրամփի արած հայտարարության հետ: Իրանը եւ միջազգային բանակցորդների «վեցյակը» 2015 թվականի հուլիսի 14-ին համաձայնության են հասել իրանական բազմամյա միջուկային հիմնախնդրի կարգավորման շուրջ: Երկարատեւ բանակցություններն ավարտվել են Գործողությունների համատեղ համապարփակ ծրագրի ընդունմամբ: 2016 թվականի հունվարի 16-ին հայտարարվել Է ԳՀՀԾ-ի իրականացումն սկսելու մասին, որին հավանություն Է տրվել ՄԱԿ-ի Անվտանգության խորհրդի բանաձեւով:
Այդ ծրագիրը նախատեսում Է ավելի վաղ ՄԱԿ-ի ԱԽ-ի, ԱՄՆ-ի եւ Եվրամիության կողմից Իրանի նկատմամբ սահմանված տնտեսական ու ֆինանսական պատժամիջոցների վերացում: Փոխարենը Թեհրանը պարտավորվել Է սահմանափակել իր միջուկային գործունեությունը՝ այն դնելով միջազգային հսկողության ներքո: ԱՄՆ-ի ներկայիս վարչակազմը խստիվ քննադատում Է այդ համաձայնագիրը եւ սպառնում Է դուրս գալ դրանից՝ փաստաթուղթը համարելով «վատագույն գործարքը» ԱՄՆ-ի համար:
Համաձայնագրի վերանայման դեմ վճռականորեն հանդես են գալիս Ռուսաստանը եւ Չինաստանը: Իրանը պնդում Է, որ ձեռք բերված պայմանավորվածությունները վերանայման ենթակա չեն: ՄԱԳԱՏԷ-ն, որն ստուգում Է Թեհրանի կողմից ԳՀՀԾ-ի պայմանների կատարումը, հաստատում Է, որ Իրանի կողմից խախտումներ չեն հայտնաբերվել, հաղորդել Է ՏԱՍՍ-ը: