ԱՄՆ-ի Կոնգրեսում հավանություն են տվել Իրանի դեմ պատժամիջոցներ նախատեսող օրինագծին
1 րոպեի ընթերցում
![ԱՄՆ-ի Կոնգրեսում հավանություն են տվել Իրանի դեմ պատժամիջոցներ նախատեսող օրինագծին](http://armenpress.am/resized/480/static/news/b/2018/04/931630.jpg)
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: ԱՄՆ-ի Կոնգրեսի Ներկայացուցիչների պալատն ապրիլի 26-ին գործնականում միաձայն հավանություն Է տվել այն օրինագծին, որը պատժամիջոցների սահմանում Է նախատեսում իրանցի պաշտոնատար անձանց նկատմամբ երկրում մարդու իրավունքների խախտման պատճառով: Այս մասին, ինչպես հաղորդել Է ՏԱՍՍ-ը, ասված Է օրենսդիր մարմնի ստորին պալատի արտաքին գործերի կոմիտեի տարածած հայտարարության մեջ, տեղեկացնում Է «Արմենպրես»-ը:
Նախաձեռնությանը հավանություն Է տվել 410 կոնգրեսական, երկուսը դեմ են արտահայտվել: Այն, մասնավորապես, «նախատեսում Է պատժամիջոցներ սահմանել իրանցի այն պաշտոնատար անձանց դեմ, որոնք պատասխանատու են» ԱՄՆ-ի քաղաքացիների «անօրինական, քաղաքականապես պատճառաբանված բանտարկման համար», նշել են կոմիտեում: