Իրանի գերագույն ղեկավարը հրաժարվեց օգտվել Telegram-ից

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Իրանի Իսլամական Հանրապետության գերագույն ղեկավար Ալի Խամենեին ապրիլի 18-ից հրաժարվում Է օգտվել Telegram-ից: Այդ մասին, ինչպես հաղորդում Է «Ինտերֆաքս»-ը, ասված Է մեսենջերում նրա պաշտոնական ալիքում, տեղեկացնում Է «Արմենպրես»-ը:

«Հանուն ազգային շահերի պաշտպանության եւ Telegram ցանցի մենաշնորհի դեմ պայքարի այս պահից կդադարի աշխատել այդ ցանցում մեծն այաթոլլայի աշխատությունների պահպանման ու հրապարակման Էջը»,-նշվում Է հաղորդագրության մեջ:

Telegram-ի օգտատերերին առաջարկվում Է Խամենեիի հաղորդագրություններին հետեւել իրանական մշակման Soroush եւ Gap մեսենջերներում:

Մեկ շաբաթ առաջ Խամենեին հայտարարել Էր, որ անձնական կյանքի խախտումը ցանցում «հարամ Է», այսինքն՝ անթույլատրելի Է կրոնական տեսանկյունից: Մոսկվայի Տագանսկի դատարանը ապրիլի 13-ին բավարարել Է Ռուսաստանի տարածքում Telegram մեսենջեր մուտքն արգելափակելու Ռոսկոմնադզորի դիմումը: