Սերժ Սարգսյանի ղեկավարության տարիներին Հայաստանն ունեցել է բազմաթիվ ձեռքբերումներ. Շարմազանով

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետական կուսակցությունը, ինչպես նաեւ կոալիցիոն գործընկերը լիովին վստահում են իրենց առաջնորդին: «Արմենպրես»-ի հաղորդմամբ՝ ապրիլի 17-ին Ազգային ժողովում մեկնարկած հատուկ նիստի շրջանակում այս մասին հայտարարեց ԱԺ փոխնախագահ Էդուարդ Շարմազանովը:

«Այսօր, իսկապես, հիշարժան օր է, քանի որ մենք՝ որպես խորհրադարանական հանրապետության ներկայացուցիչներ, Ազգային ժողովում ընտրում ենք խորհրդարանական հանրապետության առաջին վարչապետին: Այսօր մենք ոչ թե պետք է իրականացնենք նոր ընտրություն, այլ ընդամենը արձանագրենք այն իրողությունը, որն արձանագրվել էր դեռեւս մեկ տարի առաջ հանրության կողմից տրված քվեով»,-նշեց նա:

ԱԺ փոխնախագահի խոսքով՝ վարչապետի թեկնածու Սերժ Սարգսյանի ղեկավարության տարիներին Հայաստանն ունեցել է բազմաթիվ ձեռքբերումներ եւ, իհարկե, թերություններ, սակայն նրա կարծիքով՝ անհամեմատելի է 2008-ի եւ 2018-ի Հայաստանը:

«Սերժ Սարգսյանի գլխավորությամբ Հայաստանը մեծ զարգացում է ապրել մարդու իրավունքների պաշտպանության եւ ժողովրդավարության առումով, եւ պատահական չէ, որ միջազգային կառույցները բարձր են գնահատում այն ժողովրդավարական բարեփոխումները, որոնք Սերժ Սարգսյանի գլխավորությամբ են իրականացվել Հայաստանում: Այս տարիներին նա իրականացրել է նախաձեռնող արտաքին քաղաքականություն, եւ ՀՀ-ն դարձել է տարածաշրջանային գործոն, շուրջ մեկ տասնյակ պետություններ ճանաչել են Ցեղասպանությունը: Մենք դարձանք ԵԱՏՄ անդամ, ինչը ավելի լավ զարգացման հնարավորություն տվեց Հայաստանի տնտեսությանը, եւ դրա ապացույցն այն տնտեսական աճն է, որն ապահովել է Հայաստանը»,-ասաց ԱԺ փոխնախագահը՝ հիշեցնելով նաեւ նախորդ տարվա նոյեմբերին Եվրամիության հետ համաձայնագրի ստորագրումը, որն, ըստ նրա, մատնանշում է այն փաստը, որ Հայաստանի արտաքին քաղաքականությունը միտված է եղել ոչ թե Արեւմուտքին, Հարավին կամ Հյուսիսին, այլ ազգային պետական շահին:

Ապրիլի17-ին մեկնարկեցԱզգայինժողովիհատուկնիստը,որիշրջանակումքննարկվում էՀՀ վարչապետիընտրությանհարցը:ՀայաստանիՀանրապետականկուսակցությունը և նրա կոալիցիոն գործընկեր ՀՅԴ-նառաջադրելենՍերժՍարգսյանիթեկնածությունը: